"Hamkorbank" акциядорлик тижорат банки Бошқаруви раисининг 2021 йил 1 ноябрдаги буйруғи билан Арсланов Мухитдин Сунитдинович банк бошқаруви раисининг ўринбосари этиб тайинланди. Бу ҳақида банк корпоратив сайтида маълум қилинган. М.Арсланов ушбу лавозимга тайинлангунга қадар банкнинг Ички аудит департаменти раҳбари лавозимида ишлаб келаётган эди.
Банк Кузатув кенгашининг тегишли қарорига асосан Саиджон Шамсиддинов чет эл капитали иштирокидаги "Hamkorbank" акциядорлик тижорат банки бошқаруви раиси ўринбосари лавозимига тайинланган. С.Шамсиддинов ушбу лавозимга тайинлангунга қадар банкнинг Кредитлаш ва андеррайтинг департаменти директори лавозимида ишлаб келаётган эди.
Аввал хабар берганимиздек, 2021 йил 27 август куни, Ўзбекистон Миллий матбуот марказида чет-эл капитали иштирокидаги “Hamkorbank” акциядорлик тижорат банки ташкил этилганлигининг 30 йиллиги муносабати билан оммавий ахборот воситалари вакиллари, журналистлар ва ижтимоий тармоқ фаоллари учун матбуот анжумани бўлиб ўтди.
