Сўнгги янгиликлар: VISA

Аввалроқ айрим тижорат банклари томонидан халқаро банк карталаридан нақд хорижий валюта ечиш учун комиссия жорий қилингани ва ушбу қарор ижтимоий тармоқларда фойдаланувчилар томонидан норозилик билан қарши олингани тўғрисида хабар берган эдик.

"Капиталбанк" АТБ жорий йил 27 июлдан эътиборан VISA карталаридан нақд валюта ечишда 0,7 фоиз миқдорида комиссия олишни бошлади.

Forbes таҳририятида нусхаси мавжуд бўлган ва Қозоғистон Миллий банки раиси ўринбосари Берик Шолпанқулов имзоси билан банкларга йўлланган хатда айтилишича, айрим қозоқ банкларининг халқаро санкциялар остида чет эл фуқароларига карталарни чиқариш бўйича хизматлари рискли ҳисобланади.

Кўпгина ўзбек банклари Россияга қўлланилаётган чекловлар сабаб, ушбу банклар томонидан эмиссия қилинган Visa ҳамда Mastercard карталари 9 мартдан бошлаб мазкур мамлакат худудидаги терминалларда, шунингдек Россия интернет-дўконларида ишламаслигини маълум қилишмоқда.

VISA ва Mastercard тўлов тизимлари Россияда фаолиятини тўхтатишини эълон қилди. Бу ҳақда компаниялар расмий сайтларида маълум қилинди. 

Микрокредитбанк томонидан шу кунгача эмиссия қилинган VISA карталарига хизмат кўрсатиш 1 ноябрдан бошлаб қисман, 1 декабрдан эса тўлиқ тўхтатилади. Банк хабарида айтилишича, декабрь ойидан бошлаб мижозлар талабига кўра, уларга янгиланган VISA карталари бепул тарзда очиб берилади.

Ўзсаноатқурилишбанк халқаро пластик карталарни чиқариш ва уларга хизмат кўрсатиш учун янги тўлиқ функцияли процессинг маркази ишга туширилиши муносабати билан, банк томонидан шу кунгача эмиссия қилинган VISA карталарига хизмат кўрсатиш 1 октябрдан бошлаб қисман, 1 ноябрдан эса тўлиқ тўхтатилишини маълум қилди. Аввалроқ шу каби эълонлар Туронбанк ва Ипотека банк томонидан ҳам берилган эди.

Ипотека-банк халқаро банк карталари бўйича янги процессинг марказига ўтаётганлиги муносабати билан, 2021 йил 1 октябридан бошлаб банкнинг мавжуд VISA халқаро банк карталари бўйича амалиётлар тўхтатилишини маълум қилмоқда. Хабарда ушбу жараён қанча муддат давом этиши ҳақида айтилмаган.

Туронбанк ўзининг процессинг тизимида техник янгиланиш ишларини олиб бораётганлиги сабабли, банкда очилган барча "Visa" халқаро пластик карталарининг иш фаолияти 2021 йилнинг 1 октябридан вақтинчалик тўхтатилишини маълум қилмоқда. Шу вақтгача "Visa" халқаро пластик картасини очган барча мижозлардан карта очилган банк филиалига мурожаат қилиб, карталарини ёпиши сўралган.

VISA картаси вакили Кристина Дорошнинг таъкидлашича, ушбу кобейджинг карта тизими нафақат Ўзбекистонда, балки МДҲ давлатлари ўртасида илк бор амалиётга жорий этилмоқда.