Bankers.uz "Йил якунлари" сарлавҳаси остида банкларда йил якунларига бағишлаб туркум материалларни эълон қилиб бормоқда. Бугунги мақоламиз "Asia Alliance Bank" АТБ тўғрисида бўлади. Бу йил Asia Alliance Bank'да бир қатор ўзгаришлар бўлди. Йил ўртасида банк қайтадан хусусийлаштирилди, банкка янги раис тайинланди, куз ўрталарида эса банк ўзининг янги мобил иловасини тақдим қилди.
Шу вақтга қадар Asia Alliance Bank Бошқарув Раиси Икром Абдукахоров бошқа ишга ўтгани муносабати билан ушбу вазифадан озод озод этилган. Ҳозирда вақтинчалик Бошқарув раиси вазифасини Хакимов Умиджон Абдухаликович бажармоқда. Умиджон Абдухаликович 19 октябрдан ушбу вазифани бажаришга киришган.
Asia Alliance Bank 2018 йил давлат тасарруфига ўтказилган эди. Ўша пайтда банк акциялари Хусусийлаштирилган корхоналарга кўмаклашиш ва рақобатни ривожлантириш Давлат қўмитаси тасарруфига ўтказилган. Кейинчалик ушбу улуш Давлат активларини бошқариш агентлигига берилганди.
