Агробанк ташаббуси билан Қишлоқ хўжалиги вазирлиги, Тошкент давлат аграр университети, Ўсимликлар карантини ва ҳимояси агентлиги ва бир қатор илмий текшириш институтлари билан ҳамкорликда “Фермерлар мактаби"да ўсимликларни ҳимоя қилиш йўналишида интенсив курслари йўлга қўйилганлиги ҳақида хабар берган эдик. Банк матбуот хизмати хабарига кўра, ушбу ўқув курсларида дастлабки машғулотлар бошланган.
Ягона Умумреспублика Процессинг Маркази (UZCARD) сўнгги пайтларда ўз фирма номи (бренди), шунингдек расмий сайтидаги маълумотлардан фойдаланиб, шунга ўхшаш алдамчи (фейк) сайтлар орқали жисмоний шахсларга нисбатан фирибгарлик ҳолатлари кўп учраётганлиги ҳақида огоҳлантирди. Хусусан, бундай фирибгарлар турли сайтлар орқали гўёки UZCARD номидан мижозларга "бир марталик тўлов" тўланишини ваъда қилишмоқда.
2021 йил январь-август ойларида банк карталарига 178,1 трлн. сўмлик маблағлар келиб тушиб, ушбу даврда банк карталаридаги 58,8 трлн. сўмлик маблағлар (жами кирим қилинган маблағларнинг 33 фоизи) аҳоли томонидан нақдлаштириб олинган. Республикамизда нақд пул муомаласи билан боғлиқ шу ва бошқа статистик-таҳлилий маълумотлар Марказий банк томонидан 2021 йил январь-август ойлари учун тайёрланган "Нақд пул муомаласи бўйича қисқача шарҳ"да.
Бугун АОКАда "Ўзбекистонда олиб борилаётган молиявий-иқтисодий сиёсат" мавзусида матбуот анжумани бўлиб ўтди. Матбуот анжуманида бир қанча вазирлик ва идоралар раҳбарияти вакиллари, шу жумладан, Марказий банк раиси ўринбосари мавзу юзасидан сўзга чиқдилар ва долзарб саволларга жавоб бердилар.
Форум Иқтисодий тараққиёт ва камбағалликни қисқартириш вазирлиги ва Молия вазирлиги ташаббуси билан ўтказилмоқда. Жорий йил 29-30 сентябр кунлари бўлиб ўтадиган форумда 300 га яқин – Ўзбекистон ҳукумати, халқаро бизнес ва молиявий ҳамжамиятлар, халқаро ва минтақавий институтлар, эскпертлар, нодавлат ташкилотлар ва халқаро ОАВ вакиллари иштирок этади. Шунингдек, форумда бир нечта банклар - Марказий банк, Ўзмиллийбанк, Ўзсаноатқурилишбанк, Ипотека банк, TBC-банкларнинг бошқарув органлари раҳбар ходимлари ҳам спикер сифатида иштирок этадилар.
Ушбу телеграм-бот орқали ANORBANK омонатлари бўйича барча саволларга жавоб олиш, шу жумладан, 5 дақиқа вақт сарфлаб, ANORBANK омонатларини бирлаштириш орқали йиллик 26,9 фоизгача даромад олиш усулларини билиб олиш мумкин. Шунингдек, ушбу хизмат омонат суммасини киритиб, қанча даромад олишни ҳисоблаб кўриш имкониятини ҳам тақдим этади.
Хабар беришларича, "Ипотека банк" АТИБ Кузатув кенгашининг тегишли қарорига кўра, Фаррух Маннонович Ботиров банк бошқаруви раисининг биринчи ўринбосари лавозимига тайинланган. Ф.Ботиров ушбу тайинловга қадар Ўзбекистон Республикаси Молия вазирлиги ипотека кредити бозорини молиялаштириш ва ривожлантириш департаменти директори лавозимида ишлаб келаётган эди.
Марказий банк тақдим этган пресс-релизда келтирилишича, депозитлар бўйича ижобий реал фоиз ставкаларининг шаклланаётганлиги йилнинг ўтган 8 ойи давомида миллий валютадаги жами муддатли депозитларнинг 26,5 фоизга, шундан, жисмоний шахсларнинг миллий валютадаги муддатли депозитларининг 45 фоизга ўсишига хизмат қилди.
Банк Кузатув кенгашининг тегишли қарорига асосан Саиджон Шамсиддинов чет эл капитали иштирокидаги "Hamkorbank" акциядорлик тижорат банки бошқаруви раиси ўринбосари лавозимига тайинланган. С.Шамсиддинов ушбу лавозимга тайинлангунга қадар банкнинг Кредитлаш ва андеррайтинг департаменти директори лавозимида ишлаб келаётган эди.
Бугун, 9 сентябрь куни Марказий банк Бошқарув йиғилиши асосий ставка бўйича қарор қабул қилди. Йиғилишда ҳозирда амалда бўлган 14 фоизлик асосий ставка ўзгаришсиз қолдирилди.
