Асосий/Сўнгги янгиликлар/Тошкентда кредит маблағлари эвазига криптовалюта сотиб олган фуқаролар аниқланди

Тошкентда кредит маблағлари эвазига криптовалюта сотиб олган фуқаролар аниқланди

Тошкентда кредит маблағлари эвазига криптовалюта сотиб олган фуқаролар аниқланди

kriptovalyua.jpg

Иллюстратив фото

Тошкент шаҳар Миробод туманида фуқаролар М.Н., М.Ш. ва М.Х.лар тумандаги тижорат банкидан ўзи ва танишлари номига 783,6 млн сўм кредит ажратишга эришиб, кредит маблағини талон-торож қилганлиги маълум бўлди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.

Департаментнинг Миробод туман бўлими хабарига кўра, 3 нафар фуқаро ўзи ва танишларининг номига 783,6 млн сўм кредит ажратишга эришиб, кредит маблағини талон-торож қилганлиги, шунингдек, ушбу маблағ эвазига онлайн биржалардан бирининг иловаси орқали 36 000 АҚШ долларини “криптовалюта савдоси”га тиккан ҳамда “SPARK” ва “GENTRA” русумли автомашиналарни сотиб олиб, жиноий фаолиятдан олинган мулкни легаллаштирган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 243-моддаси (жиноий фаолиятдан олинган даромадларни легаллаштириш) билан жиноят иши қўзғатилиб, тергов ҳаракатлари ўтказилмоқда.

 

Теги kredit kriptovalyuta Mirobod talon-toroj