Бухорода сохта ҳужжатлар орқали банк кредитини қўлга киритган корхона аниқланди

Бухоро вилояти Ромитан туманида сохта ҳужжатлар орқали 635 млн сўм кредитни қўлга киритган МЧЖ аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.

Фото: Kun.uz

Департаментнинг Ромитан туман бўлими хабарига кўра, “М.Я.” МЧЖ раҳбари Д.Б. ва бошқалар олдиндан тил бириктириб, МЧЖга қарашли бўлмаган 2 қаватли бинонинг кадастр ҳужжатларига сохта маълумотлар киритиб, кейинчалик ушбу бинони гаров сифатида банк муассасасига тақдим қилиб, 635 млн. сўм кредит маблағи олишга эришиб, талон-торож қилган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш), 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) ва 209-моддаси (мансаб сохтакорлиги) билан жиноят иши қўзғатилиб, прокуратурага юборилган.