Ўзбекистонда ташкил этилган OSON финтех-холдинги ривожланишнинг янги босқичи — маҳаллий электрон ҳамёндан кенг кўламли минтақавий экотизимга ўтишни эълон қилди.

Компания рақамли тўловлар ва хизматларнинг ягона маконини яратиш орқали Марказий Осиё мамлакатларини фаол бирлаштирмоқда.

Сўнгги икки йил ичида OSON Қозоғистон ва Тожикистонда маҳсулот ва ҳамкорликни йўлга қўйди, шунингдек, Қирғизистонда OSON ҳамёнини ишга туширишга тайёрланмоқда.

Ҳар бир бозор ягона технологик платформага бирлашади, бу ерда фойдаланувчилар бир экотизимда қолган ҳолда турли валюталарда тўловлар, ўтказмалар ва харидларни амалга оширишлари мумкин бўлади.

Стратегиямизнинг биринчи босқичи - фойдаланувчилар ва бизнес чегараларсиз ўзаро алоқа қила оладиган Марказий Осиёнинг ягона финтех платформасини яратишдир. Кейинги қадам - MENA (Ўрта Шарқ ва Шимолий Африка давлатлари минтақаси - таҳр.) бозорига чиқиш, у ерда биз DIFC (Дубай халқаро молия маркази - таҳр.) лицензияси остида янги маҳсулотларни ишга туширишга тайёрланмоқдамиз, - деди OSON асосчиси ва бош директори Фарҳод Маҳмудов.

^{Фарҳод Маҳмудов / Фото: OSON}

Яқинда OSON компанияси дунёнинг нуфузли молиявий регуляторларидан бири — Dubai Financial Services Authority (DFSA) томонидан In-Principle Approval (дастлабки рухсатнома) олди.

Бу ҳужжат компанияга келгусида 3C (Providing Money Services) тоифасидаги лицензия олиш имконини беради. Мазкур лицензия OSON’га Бирлашган Араб Амирликлари (БАА) ҳудудида расман тўлов ва пул ўтказмалари хизматларини кўрсатишга йўл очади.

DFSA томонидан лицензиялаш жараёни тўлиқ якунланганидан сўнг, OSON компанияси Ўрта Шарқ ва Шимолий Африка (MENA) минтақасида ўз фаолиятини кенгайтириш имконига эга бўлади. Шу орқали компания мижозларга кўп валютали ҳамёнлар, трансчегаравий тўловлар ва замонавий финтех инфратузилмаларни тақдим этишни режалаштирмоқда.

Бу қадам OSON’нинг минтақадаги етакчи технологик компания сифатидаги мавқеини мустаҳкамлаб, уни халқаро бозорга чиқишнинг янги босқичига олиб чиқади.

OSON компанияси ҳақида

OSON - Ўзбекистонда ташкил этилган финтех экотизими. Бугунги кунда компания Марказий Осиёнинг тўртта давлатида фаолият юритмоқда ва БААда ўз фаолиятини кенгайтирмоқда.

Компаниянин энг флагман маҳсулот - OSON Wallet (таржимада "ҳамён" - таҳр.) тўловлар, ўтказмалар ва рақамли хизматларни ягона платформада бирлаштирган кўп валютали ҳамён ҳисобланади.

OSON компаниянинг DFSA ташкилотидан дастлабки рухсат ("In-Principle Approval") олиши ва DIFSда расман рўйхатдан ўтиши уни минтақадаги етакчи технологик компания сифатида ўз мавқеини мустаҳкамлаб, халқаро ривожланишнинг янги босқичига қадам қўйишини англатади.